Փարիզի Օլիմպիական խաղերում ազգությամբ սերբ ձյուդոիստ Նեմանյա Մայդովը 1/8 եզրափակչում Հունաստանի մարզիկի հետ մենամարտից առաջ խաչակնքվել էր, սակայն երեք զգուշացումների պատճառով պարտվել էր, որից հետո չէր սեղմել մրցակցի ձեռքը և վիրավորել էր մրցավարներին, գրում է rbc.ru-ն։

Նա հայտնել է, որ հինգ ամսով որակազրկվել է կրոնական ժեստ ցույց տալու համար:

2017 թվականի ձյուդոյի աշխարհի չեմպիոն ազգությամբ սերբ Նեմանյա Մայդովը հայտարարել է, որ Փարիզի Օլիմպիադայում կրոնական ժեստ ցույց տալու համար միջազգային ֆեդերացիան հինգ ամսով որակազրկել է նրան։ Այս մասին նա հայտնել է Instagram-ի իր էջում։

«15 օր առաջ ես ստացել եմ որոշում այն մասին, որ Ձյուդոյի միջազգային ֆեդերացիան (IJF) հինգ ամսով որակազրկել է ինձ կրոնական օրենքները խախտելու համար։ Ավելի ճիշտ, նրա համար, որ Օլիմպիական խաղերում մարտից առաջ ես խաչակնքվել եմ»,- գրել է Մայդովը։