Ռուսաստանի հետ պատերազմում սառեցում չի լինի. Զելենսկի
Ռուսաստանի հետ պատերազմում սառեցում չի լինի։ Այս մասին հայտնում է РБК-Украина-ն ՝ հղում անելով «Ambrosetti» 50-րդ միջազգային ֆորումում Ուկրաինայի նախագահ Վլադիմիր Զելենսկու ելույթին։
«Այսօր շատերը խոսում են հրադադարի մասին, ես Պուտինի հետ անցել եմ մի քանի հրադադարի միջով»,- ասել է Զելենսկին։
Նա հիշեցրել է, որ Պուտինի հետ «հրադադարի պայմանավորվածություններից որոշ ժամանակ անց ռուսական զորքերը սկսել են ակտիվ գործողությունները»։
«Զինադադարի ժամանակ օկուպանտները պատրաստվելու են ու նորից, նոր ուժերով հարձակվելու են Ուկրաինայի վրա, ինչպես դա եղել է լայնամասշտաբ ներխուժումից առաջ։ Այդ պատճառով սառեցում չի լինի»,-ասել է Զելենսկին։
