Յուրա Մովսիսյանը` Թիկնիզյանի Իսպանիա հնարավոր տեղափոխության մասին
Հայաստանի հավաքականի նախկին հարձակվող Յուրա Մովսիսյանը մեկնաբանել է Մոսկվայի «Լոկոմոտիվի» հայ կիսապաշտպան Նաիր Թիկնիզյանի՝ Լա լիգա հնարավոր տեղափոխության մասին լուրը:
«Թիկնիզյանը պատրաստ է Լա լիգայի մակարդակին: «Սևիլիայի» կողմից հետաքրքրվածությունը խոսում է այն բանի մասին, որ Նաիրը բարձրակարգ խաղացող է: Ֆուտբոլում շատերն են ծաղկում ուշ տարիքում, բայց նա դեռ 25 տարեկան է: Այժմ քայլ առաջ կատարելու ճիշտ ժամանակն է: Կարծում եմ՝ նրա խաղային որակները համապատասխանում են Եվրոպային»,- Metaratings.ru-ի թղթակցի հետ զրույցում ասել է Մովսիսյանը:
