Ինչու չի հրավիրվել Տիգրան Բարսեղյանը. Պետրակովի մեկնաբանությունը

Ֆուտբոլի Հայաստանի ազգային հավաքականի գլխավոր մարզիչ Ալեքսանդր Պետրակովը մեկնաբանել է Սլովակիայի չեմպիոն «Սլովանի» կիսապաշտպան Տիգրան Բարսեղյանին կրկին ազգային թիմ չհրավիրելու որոշումը:

«Ես իմ ընտրությունը կատարել եմ և հրավիրել եմ հավաքական վինգերի դիրքում Սևիկյանին, Բիչախչյանին և Սերոբյանին՝ երիտասարդ հայ ֆուտբոլիստներին։ Ես գլխավոր մարզիչն եմ և ես այս ընտրությունն եմ կատարել»,- լրագրողների հետ հանդիպմանն ասաց ուկրաինացի մասնագետը:

Հիշեցնենք, որ Ազգերի լիգայի խմբային փուլի առաջին տուրում վաղը Հայաստանի ազգային հավաքականը Վազգեն Սարգսյանի անվան «Հանրապետական» մարզադաշտում մրցելու է Լատվիայի հետ, իսկ երեք օր անց` հյուրընկալվելու Հյուսիսային Մակեդոնիային: