Թաիլանդում ջրհեղեղների և սողանքների հետևանքով 22 մարդ է զոհվել
Թաիլանդի հյուսիսում վերջին օրերին առնվազն 22 մարդ է մահացել մուսոնային անձրեւների հետեւանքով առաջացած ջրհեղեղների եւ սողանքների հետեւանքով, գրում է Bangkok Post-ը։
Եվս 19 մարդ վիրավորվել է։ Բացի այդ, ավելի քան 30 հազար ընտանիք ստիպված է եղել լքել իրենց տները։
Երկարատև հորդառատ անձրևները հանգեցրել են սաստիկ ջրհեղեղների Թաիլանդի հյուսիսային հինգ նահանգներում: Բացի այդ, իշխանությունները նախազգուշացրել են երկրի հյուսիսում և հյուսիս-արևելքում գտնվող տասնյակ նահանգներում նոր ջրհեղեղների վտանգի մասին:
Նրանք նշել են, որ տեղումների պատճառով ջրի մակարդակը Թաիլանդի ամենամեծ գետերից մեկում՝ Չաո Փրայայում, որը հոսում է, մասնավորապես, երկրի մայրաքաղաք Բանգկոկով, կարող է բարձրանալ։
