«Ողջ արտադրամասն այրվել է»․ ընկերության տնօրենը՝ բամբակի արադրամասի հրդեհի մասին
Բամբակի արտադրամասում աշխատողներն ասացին, որ ապահովիչներից կայծ է տվել, բամբակից կպել է հրդեհը։ Այս մասին NEWS.am-ի հետ զրույցում ասաց ընկերության տնօրենը։
«Վնասը բավականին շատ է։ Բամբակի ողջ արտադրամասն այրվել է։ Դեռևս արդյունքները չգիտենք, դեռ ներս մտնելու հնարավորություն չկա։ Շենքում ինչ կա ամբողջը վնասված է, շենքն էլ հետը»,- ասել է ընկերության տնօրենը։
Ավելի վաղ հաղորդել էինք, որ Իսակովի պողոտայում գտնվող արտադրամասում խոշոր հրդեհ էր բռնկվել։ Հրդեհը մարելու համար դեպքի վայր էր մեկնել 6 մարտական հաշվարկ։ Հրդեհը մարվել է ժամը 17։18-ին։
