Մբապեին համարժեք փոխարինող գտնելը մարտահրավեր է ինձ համար. Լուիս Էնրիկե

Ֆրանսիայի չեմպիոն ՊՍԺ-ի իսպանացի գլխավոր մարզիչ Լուիս Էնրիկեն մրցաշրջանի մեկնարկից առաջ խոսել է փարիզյան թիմից Մադրիդի «Ռեալ» տեղափոխված 25-ամյա ֆրանսիացի հարձակվող Կիլիան Մբապեին փոխարինող գտնելու մասին։

«Մբապեն բացառիկ, առանձնահատուկ խաղացող է։ Նրան մաղթում եմ լավագույնը։ Նրան համարժեք փոխարինող գտնելը մարտահրավեր է ինձ համար։

Բայց եթե չորս խաղացող խփի 12-ական գոլ, դա արդեն 40-ից ավելի գոլ է։ Այդպես էլ կարող ենք փոխարինել Մբապեին։ Հետաքրքիր մարտահրավեր է մեր թիմի համար նոր մրցաշրջանում»,- Լուիս Էնրիկեի խոսքը մեջբերում է L'Equipe-ը։

Ֆրանսիայի առաջնության մեկնարկային տուրում ՊՍԺ-ն օգոստոսի 16-ին կհյուրընկալվի «Հավրին»։