Հիսուս Քրիստոսի արձանի շինարարության համար առաջիկայում խնդիրներ կարող են առաջանալ․ Իվետա Տոնոյան

Հիսուս Քրիստոսի արձանի շինարարությունն այս պահին շարունակվում է, սակայն առաջիկայում գործընթացի հետ կապված խնդիրներ կարող են առաջանալ։ Այս մասին «Փաստինֆո»-ի հետ զրույցում հայտնել է ԲՀԿ առաջնորդ Գագիկ Ծառուկյանի խոսնակ Իվետա Տոնոյանը։

Արձանի կառուցումն իրականացվում է Գագիկ Ծառուկյանի նախաձեռնությամբ և միջոցներով, իսկ անհրաժեշտ քարերի մատակարարումն իրականացնող «Մուլտի սթոուն» ընկերությունը ներկայումս կապարակնքված է։

«Ինչ-որ պահի խնդիրներ առաջանալու են այն իմաստով, որ կոնկրետ երեսպատման սալիկների մատակարարումն իրականացնում է «Մուլտի սթոուն» ընկերությունը, որի գործունեությունը նույնպես այս պահին դադարեցված է։ Այդ ընկերությունը ևս կապարակնքված է, և քարի հումքի խնդիրները ազդեցություն ունենալու են շինարարության ընթացքի վրա։ Թեև այս պահին շինարարությունն ընթացքի մեջ է»,- ասել է Տոնոյանը։