Երգիչ Էդ Շիրանը դարձել է Պրեմիեր լիգայի ակումբի համասեփականատեր
Բրիտանացի երգիչ, երգերի հեղինակ, երաժիշտ, դերասան եւ գործարար Էդ Շիրանը դարձել է անգլիական «Իպսվիչի» համասեփականատեր, հաղորդում է ֆուտբոլային ակումբի կայքը։
Էդ Շիրանը մանկուց «Իպսվիչի» երկրպագու է եւ հաճախ է համերգներին հագնում այդ ակումբի խաղաշապիկը։
2021-ից Էդ Շիրանը «Իպսվիչի» տիտղոսային հովանավորն էր, այժմ էլ ձեռք է բերել ակումբի բաժնետոմսերի մինորիտար փաթեթը։
Անգլիայի Պրեմիեր լիգայի մեկնարկային տուրում «Իպսվիչը» օգոստոսի 17-ին կընդունի «Լիվերպուլին»։
