Նոր Զելանդիայում բարեգործական կազմակերպությունը պատահաբար թմրանյութի մահացու չափաբաժնով կոնֆետներ է բաժանել
Նոր Զելանդիայում բարեգործական կազմակերպությունը պատահաբար մետամֆետամինի մահացու չափաբաժին պարունակող կոնֆետներ է բաժանել։ Այս մասին գրում է RTVI-ը` հղում տալով The Guardian-ին։
Նշվում է, որ մինչև 400 մարդ կարող էր թունավոր կոնֆետ ստանալ սննդի փաթեթներում։ Պարբերականի տվյալներով՝ յուրաքանչյուր կոնֆետի մեջ թմրանյութի չափաբաժինը նորմայից 300 անգամ բարձր է եղել եւ կարող էր մահացու լինել։
Մալայզիական Rinda ապրանքանիշի արքայախնձորի կոնֆետները կամավորներին հավանաբար պատահաբար են տրվել, քանի որ յուրաքանչյուր կտորի գինը մոտ 600 դոլար էր, նշում է հրատարակությունը։
Առնվազն ութ ընտանիք, այդ թվում՝ երեխաներ, համտեսել են սառնաշաքարները, բայց հոսպիտալացումներ չեն եղել, քանի որ կոնֆետների «զզվելի» համը նրանց ստիպել է թքել դրանք: Նոր Զելանդիայի ոստիկանությունը քրեական հետաքննություն է սկսել։
