Իսրայելցիները սպառնալիքներով հաղորդագրություններ են ստացել․ հայտնի է բովանդակությունը․ JP
Իսրայելցիներին ուղարկվել են սպառնալիքներ պարունակող տեքստային հաղորդագրություններ։ Այս մասին հայտնում է Jerusalem Post-ը:
«Իսրայելցիներին տեքստային հաղորդագրություններ են ուղարկվել նրանց անուններով և հասցեներով, որոնք սպառնալիքներ են պարունակում։ Դրանցում ասվում է․ «Դուք կթաղվեք մինչև հաջորդ շաբաթ»», - գրում է պարբերականը:
Թերթը նշում է, որ Իսրայելի ոստիկանությունը հաստատել է փաստը։ Ոստիկանությունը հայտարարել է, որ «դրանք կեղծ հաղորդագրություններ են, որոնց նպատակն է պատերազմի ժամանակ բնակչության շրջանում խուճապ սերմանել»:
