Արտետան գրպանահատներ է վարձել խաղացողների զգոնությունը ստուգելու համար
«Արսենալի» գլխավոր մարզիչ Միկել Արտետան պրոֆեսիոնալ գրպանահատների թիմ է վարձել թիմային ընթրիքի համար՝ ցույց տալու թիմին միշտ պատրաստ լինելու և զգոն լինելու կարևորությունը: Այս մասին հայտնում է The Athletic-ը։
Աղբյուրի համաձայն՝ «զինագործների» մարզիչը մի անգամ իր խաղացողների հետ ընթրելիս գաղտնի վարձել է պրոֆեսիոնալ գրպանահատների թիմ։ Գաղափարն այն է եղել, որ նրանք խաղացողների գրպանից հանեն անձնական իրերը՝ հեռախոսներն ու դրամապանակները: Ընթրիքի վերջում Միկել Արտետան խաղացողներին խնդրել է դատարկել գրպանները։ Հետո նրանցից շատերը պարզել են, որ իրենց թանկարժեք իրերը գողացել են։
«Արսենալի» ղեկավարի ուղերձն էր՝ ցույց տալ իր թիմին կենտրոնացած և զգոն լինելու կարևորությունը բոլոր հանգամանքներում:
