Փարիզում ռուսաստանցի լրագրողներին թույլ չեն տվել լուսանկարել թենիսիստուհի Միրրա Անդրեևային և Դիանա Շնայդերին
Փարիզի խաղերին հավատարմագրված ռուսաստանցի լրագրողներին արգելվել է թենիսիստուհի Միրրա Անդրեևային և Դիանա Շնայդերին զուգախաղի եզրափակիչից հետո լուսանկարել օլիմպիական արծաթե մեդալներով, հայտնում է Sport24-ը։
Ըստ պորտալի՝ խաղերի կազմկոմիտեի ներկայացուցիչները պրոֆեսիոնալ լուսանկարչին թույլ չեն տվել ասուլիսում մեդալներով նկարել Անդրեևային և Շնայդերին, չնայած այն բանին, որ մինչ այդ սերբ լրագրողները մամուլի կենտրոնում համատեղ լուսանկարվել են Նովակ Ջոկովիչի հետ մենախաղի եզրափակչում տարած հաղթանակից հետո։
