![Ադրբեջանում թալիշների վիճակը վատթարացել է. Blankspot](https://auroranews.am/storage/img/base_image/2024-07-26/66a3e3ec279f4.webp)
Ադրբեջանում թալիշների վիճակը վատթարացել է. Blankspot
![Ադրբեջանում թալիշների վիճակը վատթարացել է. Blankspot](https://auroranews.am/storage/img/base_image/2024-07-26/66a3e3ec279f4.webp)
Հուլիսի 22-ին Ադրբեջանում ձերբակալվել է այդ երկրկ քաղաքացի Իգբալ Աբիլովը։ Նա վեց տարեկանից բնակվում է Բելառուսում և ծագումով թալիշ է, ազգային փոքրամասնություն, որն ապրում է Ադրբեջանի հարավում և Իրանի հյուսիսում, տեղեկացնում է շվեդական Blankspot պարբերականը։
Աբիլովը ձերբակալվել էր Ադրբեջան ժամանելուց հետո, ուր եկել էր հարսանիքի մասնակցելու համար, սակայն երբ պետք է վերադառնար Բելառուս, նրան թույլ չեն տվել լքել երկիրը: Մեկ ամիս անց նրա դեմ քրեական գործ է հարուցվել ազգամիջյան ատելություն հրահրելու և պետական դավաճանության մեղադրանքով։
Ձերբակալությունը տեղի է ունեցել նույն ժամանակ, երբ նախկին ադրբեջանցի դիվանագետ Էմին Սաիկ Իբրահիմովը, որն ավելի վաղ գտնվել է ԱՄՆ-ում, ձերբակալվել էր տղամարդուն դանակահարելու մեղադրանքով։
Իրավապաշտպանները երկու ձերբակալություններն էլ ապօրինի են համարում։ Դրանք տեղի են ունենում անցյալ տարի Ադրբեջանում իրավապաշտպանների և լրագրողների զանգվածային ձերբակալություններից հետո: Այս տարվա աշնանը Ադրբեջանում նախատեսվում է անցկացնել COP29 կլիմայական գագաթնաժողովը։