ՏԵՍԱՆՅՈՒԹ. Հրապարակվել են երևանյան սրճարաններից մեկում բռնկված հրդեհի կադրերը

Երևանի Պուշկինի և Կողբացու փողոցների խաչմերուկում գտնվող «Դի Անջելո» սրճարանում բռնկված հրդեհից կադրեր են հրապարակվել:

Ավելի վաղ հայտնել էինք, որ Հուլիսի 13-ին, ժամը 03:32-ին Ճգնաժամային կառավարման ազգային կենտրոն ահազանգ է ստացվել, որ Երևանի Պուշկինի և Կողբացու փողոցների խաչմերուկում գտնվող սրճարաններից մեկում հրդեհ է բռնկվել։ Հրդեհը մեկուսացվել է ժամը 03:44-ին, մարվել՝ 04:00-ին։ Այրվել են երեք պատուհան և գույքը՝ մասամբ։

Ավելի ուշ սրճարանը հայտարարություն է տարածել դեպքի առնչությամբ նշելով. «Սիրելի ընկերներ, դեռ անհայտ պատճառներով, դրսի հարակից էլեկտրական լարերի խնդրի հետևանքով մենք անցյալ գիշեր հրդեհ ենք ունեցել սրճարանի բացօթյա հատվածում. բարեբախտաբար, ոչ ոք չի տուժել: Հրդեհը վնասել է միայն ֆասադային հատվածը և հիմա տարվում են դրսի կոսմետիկ վերանորոգման աշխատանքներ»: