Մահացել է հունահռոմեական ոճի վրացի ըմբիշ, 2019 թվականի աշխարհի չեմպիոն Նուգզար Ցուրցումիան: Այս մասին ասվում է Վրաստանի ըմբշամարտի ազգային ֆեդերացիայի սոցկայքի էջում:

Ցուրցումիան կյանքից հեռացել է 27 տարեկանում։ ԶԼՄ-ների տվյալներով՝ նրան մահացած են գտել տանը։

2019 թվականին Աստանայում կայացած աշխարհի առաջնությունում ցուրցումիան դարձել է ոսկե մեդալակիր մինչև 55 կգ քաշային կարգում: Այդ ժամանակ այդ մեդալը դարձավ հունա-հռոմեական ըմբշամարտի աշխարհի առաջնության առաջին ոսկին Վրաստանի հավաքականի համար վերջին 12 տարվա ընթացքում:

Հաղթանակից հետո Ցուրցումիան ասել է, որ ցանկացած մենամարտի սկզբում՝ լինի դա Եվրոպայի, աշխարհի առաջնություն, թե որևէ այլ մրցաշար, մտածում է իր զոհված եղբոր մասին: Հայրենիք վերադառնալուց հետո նա աշխարհի չեմպիոնի գոտին տարել է եղբոր շիրիմին։