Նոր հուշարձաններ են հայտնաբերվել Սյունիքի մարզում

2024 թ․ հունիսին Պատմամշակութային ժառանգության գիտահետազոտական կենտրոնի արշավախումբը Սյունիքի մարզում նոր հուշարձաններ է հայտնաբերել։ «Հորդառատ անձրևներով ուղեկցվող դաշտային աշխատանքների արդյունքում արշավախումբը հայտնաբերել է մի քանի նոր հուշարձան, որոնցից է Հալիձոր գյուղի նորահայտ քարայրը, և կազմվել են դրանց պահպանական գոտիների նախագծերը»,- ասվում է «Պատմամշակութային ժառանգության գիտահետազոտական կենտրոն» ՊՈԱԿ-ի հաղորդագրության մեջ։ Կենտրոնը մանրամասնել է, որ արշավախումբն ուսումնասիրություններ է կատարել Սյունիքի մարզի Սվարանց, Տանձատափ, Հալիձոր, Հարժիս, Տաթև գյուղերում։ Փետրվարին Օհանավանի տարածքում՝ Քասախի կիրճում, բնակիչներից մեկը սեփական տարածքում հողային աշխատանքների ժամանակ հայտնաբերել էր միջնադարյան ժայռափոր դամբարան։