Հնդկաստանի Ութար Պրադեշ նահանգի Հաթրաս շրջանում կրոնական միջոցառման ժամանակ առնվազն 107 մարդ Է զոհվել, հաղորդում է Hindustan Times-ը՝ վկայակոչելով տեղի ոստիկանությանը: Զոհերը հիմնականում կանայք են եղել:

Միջադեպը տեղի է ունեցել Էտա և Հաթրաս շրջանների սահմանին՝ Սատսանգ կրոնական հավաքի ժամանակ՝ քարոզիչ Բհոլ Բաբայի ուղերձից հետո։ Ոստիկանության տվյալներով՝ այն սենյակում, որտեղ անցկացվում էր միջոցառումը, տոթ է եղել, ինչն անհարմարություն է առաջացրել ներկաների մոտ։ Երբ նրանք սկսեցին բաժանվել, հրմշտոց սկսվեց։

«Ելք չկար, և բոլորը շտապում էին: Շատերը կորցնում էին գիտակցությունը, իսկ մյուսները մահանում էին», - մեջբերում է պարբերականը տուժածներից մեկի խոսքը։

Տեղի ունեցածի հստակ պատճառը դեռ հայտնի չէ։ Նահանգի գլխավոր նախարար Յոգի Ադիտյանաթը ցավակցություն է հայտնել տեղի ունեցածի կապակցությամբ և տեղի պաշտոնյաներին հանձնարարել արագացնել փրկարարական գործողությունների իրականացումը և պարզել միջադեպի պատճառները: Ինչպես հայտնում է India Today պարբերականը, Ադիտյանաթհը կարգադրել է զոհվածների ընտանիքներին ֆինանսական օգնություն ցուցաբերել զոհվածների և տուժածների ընտանիքներին:

Հունիսին Ավելի քան հազար մարդ Է զոհվել Սաուդյան Արաբիա Հաջի (մուսուլմանների կրոնական ուխտագնացության) ժամանակ։ Ուխտավորների մեծ մասը մահացել է շոգի պատճառով։ Եգիպտացի պաշտոնյան, որը վերահսկում է Հաջի անցկացումը, զոհերի թիվը բացատրել է չգրանցված ուխտավորների մեծ թվով, ինչը քաոսի է հանգեցրել հավատացյալներին օգնելու ճամբարներում եւ խանգարել ծառայությունների կայուն աշխատանքին: