ՏԵՍԱՆՅՈՒԹ․ Ջարդեր՝ Թուրքիայում․ սիրիացի տղամարդը բռնաբարել է 6-ամյա աղջկա
Թուրքական Կայսերիում միգրանտների ջարդեր են տեղի ունեցել։ Ինչպես հայտնում են թուրքական լրատվամիջոցները, անկարգությունների պատճառ են դարձել լուրերն այն մասին, որ սիրիացի տղամարդը բռնաբարել է 6-ամյա աղջկա։
Տեղի բնակիչները դուրս են եկել փողոց և բողոքի ակցիա են անցկացրել՝ պահանջելով արտաքսել գաղթականներին։ Նրանք վանկարկել են «Էրդողան, հրաժարական տուր» կարգախոսը՝ դրանով իսկ բողոքելով թուրքական իշխանությունների միգրացիոն քաղաքականության դեմ։
Բողոքի ցույցերը վերածվել են ջարդերի. ցուցարարները սկսեցին հարձակվել միգրանտների վրա` ջարդուփշուր անելով և հրկիզելով սիրիացիների տները, խանութներն ու մեքենաները։
Հաղորդվում է, որ Կայսերիում իշխանությունները լրացուցիչ ոստիկանական ուժեր և հատուկ տեխնիկա են բերել անկարգությունները կանխելու համար։ Ջարդարարներին փորձել են ցրել ջրցան մեքենաների միջոցով։
Տեղի նահանգապետը և ոստիկանության Կայսերիի բաժնի պետը փորձել են հանգստացնել հավաքվածներին՝ վստահեցնելով, որ 6-ամյա աղջկան բռնաբարելու մեղավորները խստագույնս կպատժվեն։
