![«Դուստր Մարիաննա» ՍՊԸ-ի որոշ ապրանքատեսակներում հայտնաբերվել է մանրէաբանական շեղումներ](https://auroranews.am/storage/img/base_image/2024-06-28/667ec60fc94fa.webp)
«Դուստր Մարիաննա» ՍՊԸ-ի որոշ ապրանքատեսակներում հայտնաբերվել է մանրէաբանական շեղումներ
![«Դուստր Մարիաննա» ՍՊԸ-ի որոշ ապրանքատեսակներում հայտնաբերվել է մանրէաբանական շեղումներ](https://auroranews.am/storage/img/base_image/2024-06-28/667ec60fc94fa.webp)
ՀՀ սննդամթերքի անվտանգության տեսչական մարմնի Երևանի կենտրոնի տեսուչները ստուգում են անցկացրել «Դուստր Մարիաննա» ՍՊԸ-ին պատկանող կաթնամթերքի արտադրությունում՝ կատարելով նաև նմուշառումներ արտադրվող տեսականուց:
Նմուշները տրվել են լաբորատոր փորձաքննության, որի արդյունքներով՝ «պանիր չեչիլ թել» արտադրատեսակի նմուշը՝ «listeria monocitogenes», «պանիր տապակելու համար» արտադրատեսակի նմուշը՝ ԱՑԽՄ, «պանիր չանախ 45%-ոց» արտադրատեսակի նմուշը՝ «ախտածին ա/թ սալմոնելաներ», ցուցանիշներով չեն համապատասխանել Մաքսային Միության տեխնիկական կանոնակարգերով սահմանված նորմերին:
«Դուստր Մարիաննա» ՍՊԸ արտադրական առանջին գործառույթը՝ նշված արտադրատեսակների արտադրությունը, կասեցվել է, սահմանվել է խախտումները վերացնելու ժամկետ: