![Լոռու մարզպետը և Ալավերդու համայնքապետը՝ Սանահին կայարան թաղամասում](https://auroranews.am/storage/img/base_image/2024-06-26/667c263956f5d.webp)
Լոռու մարզպետը և Ալավերդու համայնքապետը՝ Սանահին կայարան թաղամասում
![Լոռու մարզպետը և Ալավերդու համայնքապետը՝ Սանահին կայարան թաղամասում](https://auroranews.am/storage/img/base_image/2024-06-26/667c263956f5d.webp)
Լոռու մարզպետ Արամ Ղազարյանը Ալավերդու համայնքապետ Դավիթ Ղումաշյանի ուղեկցությամբ հունիսի 26-ին այցելել են Սանահին կայարան թաղամաս, հետևել այստեղ ընթացող ջրամատակարարման և ջրահեռացման համակարգի հիմնանորոգման աշխատանքներին, զրուցել բնակիչների հետ: Մարզպետի աշխատակազմից հայտնում են, ոևր այց է կատարվել նաև Թումանյան փողոց։
Մարզի ղեկավարը շրջայցը շարունակել է Ախթալայի կամրջի մոտ, հետևել երկաթգծի հատվածում տարվող ամրացման աշխատանքներին, ճանապարհային երթևեկության անվտանգության ապահովման հետ կապված հարցերով զրուցել կամրջի մոտ ծառայություն իրականացնող ոստիկանների հետ: Արամ Ղազարյանն այցելել է նաև Քարկոփ բնակավայր: Մաքրման աշխատանքները Քարկոփում ավարտական փուլում են:
Լոռու մարզպետը զրուցել է բնակիչներ հետ, պատասխանել նրանց հարցերին: Մարզպետը տեղեկացրել է, որ քննարկվում է հեղեղումներից տուժած բնակիչներին և տնտեսվարողներին փոխհատուցում տրամադրելու կարգը: