Իսրայելցի զինվորականները հարվածներ են հասցրել Գազա քաղաքի մերձակայքում, ինչի հետևանքով տասնյակ մարդիկ են տուժել: Նրանցից առնվազն 39-ին փրկել չի հաջողվել, գրում է Associated Press-ը։ Ալ-Ահլի հիվանդանոցի տնօրեն Ֆադել Նայեմը չի բացառել ժամանակի ընթացքում տուժածների թվի ավելացումը: Գործակալության տեղեկություններով՝ ներկայումս հարվածի վայրում շարունակվում են որոնողափրկարարական աշխատանքները:

Նյութում հստակեցվում է, որ Իսրայելի պաշտպանության բանակի (ՑԱԽԱԼ) թիրախը դարձել է Շատիի փախստականների ճամբարը։ Գտնվում է Գազա քաղաքից արևմուտք։

Հունիսի 22-ին իսրայելական զորքերի պաշտոնական Telegram-ալիքում տեղեկություն էր հայտնվել այն մասին, որ հրեական պետության կործանիչները հարվածներ են հասցրել պաղեստինյան ՀԱՄԱՍ շարժման երկու օբյեկտների: Խոսքը Գազա քաղաքի տարածքում գտնվող կառույցների մասին էր։

Հաջորդ օրը ՑԱԽԱԼ-ի մամուլի ծառայությունը հայտնել է, որ երկրի բանակը շարունակում է գործողությունը Գազայի հատվածի կենտրոնում և հարավում: Իսրայելի պաշտպանության բանակի Telegram-ալիքում հստակեցվել է, որ զինվորականները պարզում են զենքի և ՀԱՄԱՍ-ի անդամների գտնվելու վայրը:

Ավելի վաղ Իսրայելը հայտարարել էր, որ մտադիր է Գազայի հատվածի ապառազմականացում իրականացնել հակամարտության ավարտից հետո: