![Ուկրաինայի զինված ուժերն արկեր է արձակել Բելգորոդի ուղղությամբ](https://auroranews.am/storage/img/base_image/2024-06-23/6677d4d1e80c0.webp)
Ուկրաինայի զինված ուժերն արկեր է արձակել Բելգորոդի ուղղությամբ
![Ուկրաինայի զինված ուժերն արկեր է արձակել Բելգորոդի ուղղությամբ](https://auroranews.am/storage/img/base_image/2024-06-23/6677d4d1e80c0.webp)
Ուկրաինայի զինված ուժերն անցած օրվա ընթացքում ավելի քան 110 արկ են արձակել Բելգորոդի շրջանի ուղղությամբ, ինչի հետևանքով զոհվել է մեկ մարդ, վիրավորվել՝ երկուսը: Այս մասին հայտնել է շրջանի նահանգապետ Վյաչեսլավ Գլադկովը Telegram-ի իր ալիքում։
Բորիսովսկի շրջանի Կլիմովոյե խուտորում խաղաղ բնակիչ է տուժել, որին կոնտուզիայով տեղափոխել են Բելգորոդի թիվ 2 քաղաքային հիվանդանոց: Նրա վիճակը գնահատվում է բավարար։ Շեբեկինսկի շրջանի Կրասնոյե գյուղում կամիկաձե դրոնի հարձակման հետևանքով տղամարդ է տուժել։ Բելգորոդի թիվ 2 հիվանդանոց է տեղափոխվել միջին ծանրության վիճակում՝ գլխի, ուսի եւ ոտքի բեկորային վնասվածքներով:
Ընդհանուր առմամբ, Շեբեկինսկի շրջանում հարձակումների հետևանքով վնասվել է 5 մեքենա, 13 մասնավոր տուն, ավտոտնակ, կապի ենթակառուցվածքային օբյեկտ և գազամատակարարման գիծ, Գրայվորոնսկի շրջանում ՝ 13 մասնավոր տուն, 3 մեքենա, 2 հասարակական շինություն և 1 սոցիալական օբյեկտ: Կրասնոյարուժսկի շրջանի Պրիլեսյե գյուղում կամիկաձե դրոնի պայթյունի հետևանքով կոտրվել են բնակելի շենքի պատուհանները և վնասվել է մարդատար ավտոմեքենան: