![Պուտինն առաջարկել Է Եվրասիայում անվտանգության նոր համակարգ ստեղծել](https://auroranews.am/storage/img/base_image/2024-06-14/666c130fdac31.webp)
Պուտինն առաջարկել Է Եվրասիայում անվտանգության նոր համակարգ ստեղծել
![Պուտինն առաջարկել Է Եվրասիայում անվտանգության նոր համակարգ ստեղծել](https://auroranews.am/storage/img/base_image/2024-06-14/666c130fdac31.webp)
Եվրասիական մայրցամաքում անվտանգության նոր կառույց է անհրաժեշտ։ Այս մասին հայտարարել է ՌԴ նախագահ Վլադիմիր Պուտինը ՌԴ ԱԳՆ ղեկավարության հետ հանդիպման ժամանակ։
«Եկել է Եվրասիայում Հավաքական անվտանգության երկկողմ և բազմակողմ երաշխիքների նոր համակարգի լայն քննարկում սկսելու ժամանակը։ Ընդ որում, հեռանկարում պետք է գործը տանել դեպի Եվրասիական տարածաշրջանում արտաքին տերությունների ռազմական ներկայության աստիճանական դադարեցում», — ասել է նախագահը։
Անվտանգության այս ապագա ճարտարապետությունը «բաց է ՆԱՏՕ-ի և ԵՄ-ի երկրների համար»:
Պուտինը հավելել է, որ դրա համար անհրաժեշտ է երկխոսություն հաստատել պոտենցիալ մասնակիցների հետ, հարցը կքննարկեն բաց պետությունների հետ:
Եթե Եվրոպան ցանկանում է իրեն պահել որպես զարգացման ինքնուրույն կենտրոններից մեկը, ապա նա, անշուշտ, պետք է լավ, բարի հարաբերությունների մեջ լինի Ռուսաստանի հետ։ «Եվ մենք, գլխավորը, պատրաստ ենք դրան», — հավելել Է Պուտինը: Նախագահի խոսքով՝ այդ մասին խոսել են Շառլ դը Գոլը և Հելմուտ Կոլը: «Ակնկալում եմ, որ այդ ժառանգությանը կվերադառնան եվրոպացի քաղաքական գործիչների նոր սերունդներ», — ասել Է նախագահը:
Աշխարհում տեղի են ունենում «խորքային համակարգային փոփոխություններ», և դա «լավատեսություն և հույս» է ներշնչում։ «Բազմաբեւեռության, միջազգային գործերում բազմակողմանիության սկզբունքների հաստատումը, ներառյալ միջազգային իրավունքի նկատմամբ հարգանքը, լայն ներկայացուցչականությունը, թույլ է տալիս միասին լուծել ամենաբարդ խնդիրները ընդհանուր շահի համար», — ասել Է Պուտինը: