ՏԵՍԱՆՅՈՒԹ. Ռուբինյանը նշել է, թե ինչ կլինի եթե ընդդիմությունը մանդատները վայր դնի
Եթե ընդդիմությունը մանդատները վայր դնի, ոչ մի բան տեղի չի ունենա, որովհետև ընդդիմության մանդատների՝ վայր դնելու հետևանքով ոչ մի սահմանադրական կամ օրենսդրական ճգնաժամ չի առաջանում, գուցե ԱԺ-ում մի փոքր ավելի լուռ լինի: Այդ մասին, այսօր՝ հունիսի 11-ին, ԱԺ ճեպազրույցների ժամանակ ասաց խորհրդարանի փոխխոսնակ Ռուբեն Ռուբինյանը:
Դիտարկմանը, որ այդ դեպքում քաղաքական ճգնաժամ կարող է առաջանալ, Ռուբինյանն ասաց. «Քաղաքական ճգնաժամ տեսականորեն կարող է առաջանալ, եթե ընդդիմությունը ներկայացնում է հանրության մի մեծ հատվածի վստահությունը, պատգամը, եւ եթե իրենք քաղաքական ակցիան են իրականացնում եւ հեռանում են ԱԺ-ից, կարող է դրանից ինչ-որ բան փոխվել: Կարծում եմ՝ կհամաձայնեք, որ մենք գործ չունենք այդպիսի ընդդիմության հետ»:
