ՏԵՍԱՆՅՈՒԹ. Դու ես ստում, իջի՛ր ամբիոնից, դու այստեղ գտնվելու իրավունք չունես․ Ալեն Սիմոնյանը՝ Սեյրան Օհանյանին
Պարո՛ն Օհանյան, ես համոզմունք ունեմ, որ Դուք չեք տիրապետում ձեր խմբակցությանը, ձեր խմբակցության կին պատգամավորը դուրս գալուց վիրավորանք է հնչեցնում։ Այս մասին ԱԺ-ում, դիմելով «Հայաստան» խմբակցության ղեկավարին, ասաց Ալեն Սիմոնյանը։
Արձագանքելով տեղից՝ Օհանյանն ասաց, որ դա Ալեն Սիմոնյանի գործը չէ։
«Աստված մի արասցե ես ձեզ հետ կապ ունենամ»,- ասաց Սիմոնյանը։
Այդ ընթացքում լարված իրավիճակ ստեղծվեց Գեղամ Նազարյանի ու Ալեն Սիմոնյանի միջև, ինչից հետո Սեյրան Օհանյանը մոտեցավ Ալեն Սիմոնյանի աթոռին՝ ասելով, որ Սիմոնյանը ստում է։
«Դո՛ւ ես ստում, գնա այստեղից, իջի՛ր ամբիոնից, դու այստեղ գտնվելու իրավունք չունես, հեսա կասեմ՝ ընդհանրապես չեն թողնի, իջիր, գնա»,- ասաց Սիմոնյանը։
