Հյուսիսային Օսիայի լեռներում ռուսական Սու-34 է կործանվել. անձնակազմը զոհվել է
Ռուսաստանի Սու-34 ինքնաթիռը կործանվել է Հյուսիսային Օսիայի լեռներում պլանային ուսումնամարզական թռիչք իրականացնելիս, անձնակազմը զոհվել է: Այդ մասին հայտնել են ՌԴ Պաշտպանության նախարարությունից
«Հյուսիսային Օսիա-Ալանիայի Հանրապետությունում Լեռնային տեղանքում պլանային ուսումնամարզական թռիչք կատարելիս կործանվել է Ռուսաստանի օդատիեզերական ուժերի Սու-34 ինքնաթիռը։ Ինքնաթիռն ընկել է ամայի վայրում։ Անձնակազմը զոհվել է», - հայտնել են գերատեսչությունից։
Օդանավում եղել են երկու օդաչուներ: Ավիավթարի նախնական պատճառը տեխնիկական անսարքությունն է։
