ՏԵՍԱՆՅՈՒԹ. Մարզերում ոստիկան չի մնացե. ԱԺ պատգամավոր

Ամեն ինչ կախված է ժողովրդի ճնշումից: Այս մասին այսօր՝ հունիսի 10-ին, Բաղրամյան պողոտայում լրագրողն երի հետ զրույցում նշեց ԱԺ «Հայաստան» խմբակցության պատգամավոր Արման Ղազարյանը՝ անդրադառնալով նրան, թե արդյոք կհաջողվի կառավարության հրաժարականի պահանջով ԱԺ արտահերթ նիստ հրավիրել:

«Իրենք ժողովրդի պահանջի հետ պետք է հաշվի նստեն, այլ տարբերակ չկա»,-ասաց ն:

Անդրադառնալով նախօրեին ոստիկանության գործողություններին, որը թույլ չտվեց երթը մտնի Դեմիրճյան փողոց, պատգամավորն ասաց. «Սա ոստիկանական երկիր է եւ առաջին անգամ չէ, որ ոստիկանները ոչ իրավաչափ գործողություններ են իրականացնում: Բազմիցս նա դա ցույց են տվել, այդ թվում Կիրանցում, ԱԳՆ շենքի մոտ, նաեւ Դեմիրճյան փողոցում: Մենք որպես պատգամավորներ փորձում էինք ընդամենը մեր աշխատասենյակներ գնալ: Ոստիկանությունը արդեն բոլոր սահմաններն անցել է, ապօրինի գործողությունների է դիմում: Իրենք մի բան են սովորել, եւ միշտ ասում են՝ եթե գտնում եք, որ մեր գործողություններն ապօրինի են, կարող եք վիճարկել: բազմաթիվ դեպքեր են եղել, ի՞նչ վիճարկենք: Եթե մի ցուցարար ոստիկանի վահանից քաշի, նրան կձերբակալեն, իսկ որ իրենց ակնհայտ հանցագործության համար ոչինչ չեն անում, առավելագույնը ծառայողական քննություն են նշանակում»:

Հարցին՝ ինչո՞վ էր պայմանավորված, որ ոստիկանապետ Արամ Հովհաննիսյանի պահվածքը երեկ լարված էր, անգամ միջադեպ եղավ իր եւ Բագրատ Սրբազանի միջեւ, ընդդիմադիր պատգամավորը պատասխանեց. «Իրենք ահաբեկված են բնակչության մեծ զանգվածով: Հենց տեսնում են ժողովրդի քանակը մեծ է, խառնվում են իրար: Հայաստանի 10 մարզերում ոստիկան չի մնացել, այդ թվում քրեական ոստիկանության աշխատակիցները քաղաքացիական հագուստով այստեղ են: Իրենց «շատ լավ» ծառայության արդյունքում, ինչքանով ես լսեցի, երկու սպանության դեպք է եղել գիշերը: Սա հետեւանք է նրա, որ քրեական ոստիկանության աշխատակիցները հասարակական կարգ են ապահովում այստեղ: Իրենց գործառույթը դա չի»: