Սպիտակ տունը հրաժարվել է ասել, թե արդյո՞ք Բայդենն ու Նաթանյահուն կհանդիպեն Վաշինգտոնում

Սպիտակ տունը հրաժարվել է ասել, թե արդյոք ԱՄՆ նախագահ Ջո Բայդենը կհանդիպի Իսրայելի վարչապետ Բենիամին Նաթանյահուի հետ, երբ Իսրայելի վարչապետը հաջորդ ամիս այցելի Վաշինգտոն՝ ԱՄՆ Կոնգրեսում ելույթ ունենալու համար:

«Այսօր հայտարարելու ոչինչ չունեմ», - CBS-ին տված հարցազրույցում ասել է Բայդենի ազգային անվտանգության հարցերով խորհրդական Ջեյք Սալիվանը։

«Նա գալու է Կոնգրեսում ելույթ ունենալու համար: Նախագահը մշտապես խոսում է նրա հետ»,- հայտնել է Սալիվանը: Սալիվանը հույս է հայտնել, որ մինչև Նեթանյահուի Վաշինգտոն ժամանելը, հրադադարի և պատանդների մասին համաձայնություն ձեռք կբերվի։

«ՀԱՄԱՍ-ը պետք է պարզապես «այո» ասի քննարկման դրված առաջարկությանը»,- ասել է նա։

Նաթանյահուն մտադիր է ելույթ ունենալ Կոնգրեսի համատեղ նիստում հուլիսի 24-ին։ Բայդենը միշտ եղել է Իսրայելի հավատարիմ աջակիցը Գազայում նրա վարած պատերազմում, սակայն Բայդենը, որն առաջադրվում է նոյեմբերին վերընտրվելու համար, Իսրայելին իր աջակցության պատճառով բախվել է ձախ քաղաքական ուժերի քննադատությանը, քանի որ իսրայելական հարձակումներից պաղեստինցիների զոհերի թիվը մեծանում է: