Իրանում նախագահի արտահերթ ընտրությանը կմասնակցի 6 թեկնածու
Իրանի նախագահի արտահերթ ընտրությանը կմասնակցի 6 թեկնածու։ Այդ մասին տեղեկություն է տարածել Tasnim-ը։
Թեկնածուներն են՝ ներքին գործերի նախկին նախարար Մոսթաֆա Փուրմոհամմադին, ազգային անվտանգության բարձրագույն խորհրդում Իրանի գերագույն առաջնորդի ներկայացուցիչ Սաիդ Ջալիլին, խորհրդարանի գործող խոսնակ Մոհամմադ Բաղեր Ղալիբաֆը, Թեհրանի քաղաքապետ Ալիռեզա Զաքանին, առողջապահության նախկին նախարար Մասուդ Պեզեշկիան և Նահատակների ու վետերանների գործերով հիմնադրամի ղեկավար Ամիր Հոսեյն Գազիզադե Հաշեմին:
Նշենք, որ այսօր Իրանի Սահմանադրության պաշտպանության խորհուրդը երկրի ՆԳՆ է ներկայացրել նախագահի ընտրությանը մասնակցող թեկնածուների ցուցակը։
Հունիսի 28-ին Իրանում տեղի կունենա նախագահի արտահերթ ընտրություն։ Հայտ էր ներկայացրել 80 հոգի:
