ՄԱԿ-ի գլխավոր քարտուղարը զգուշացրել է մեծ հակամարտnւթյան վտանգի մասին
ՄԱԿ-ի գլխավոր քարտուղար Անտոնիո Գուտերեշը կոչ է արել դադարեցնել ռազմական գործողությունները Լիբանանի և Իսրայելի սահմանի երկայնքով: Նա նախազգուշացրել է ավելի մեծ հակամարտության վտանգի մասին։
Օրերս Իսրայելի վարչապետ Բենիամին Նեթանյահուն, այցելելով հյուսիսային սահման, նախազգուշացրել էր, որ Իսրայելը «պատրաստ է շատ ինտենսիվ գործողության» սահմանի երկայնքով:
«Այն պայմաններում, երբ փոխհրաձգությունը շարունակվում է, գլխավոր քարտուղարը կոչ է անում կողմերին շտապ դադարեցնել կրակը: Այս փոխհրաձգությունը կարող է առաջացնել ավելի լայն հակամարտություն՝ կործանարար հետևանքներով տարածաշրջանի համար», - ասվում է ՄԱԿ-ի խոսնակ Ստեֆան Դյուժարիկի հայտարարության մեջ, որը վերաբերում է Իսրայելի և Լիբանանի սահմանին ստեղծված իրավիճակին:
