Հերիք եղավ մեզ սպառնան. Սիմոնյանը՝ ՌԴ-ից հնչող հայտարարությունների մասին

ԱԺ նախագահն արձագանքել է ՌԴ փոխարտգործնախարար Միխայիլ Գալուզինի հայտարարությանը։

«Հերիք եղավ ՀԱՊԿ-ի մասին խոսեն, թող գան, ասեն՝ ՀԱՊԿ-ի սահմանը որտեղով է անցնում, հերիք ա մեր ինքնիշխան տարածքի հետ կապված նման հայտարարություն։ ՀՀ-ն որևէ երկրի հետ բանակցություն չի վարում, չի քննարկում որևիցե ռազմաբազա տեղադրելու վերաբերյալ»,-հայտարարել է ԱԺ նախագահը։

Հիշեցնենք՝ ՌԴ փոխարտգործնախարարը հայտարարել էր․ «Հայաստանի չմտածված քայլերը, որոնք արևմտյան երկրների համար կապահովեն ազգային տվյալների բազաներ և երկրի անվտանգության համար զգայուն տեղեկությունների ամբողջական հասանելիություն, ոչ միայն սպառնում են պետության ինքնիշխանությանը, այլև կարող են օբյեկտիվորեն անհնար դարձնել Ռուսաստանի և ՀԱՊԿ-ում այլ դաշնակիցների հետ միասնական պաշտպանական տարածքի կառուցման համատեղ աշխատանքին վերադառնալը»: