Ռուսաստանը ողջունում է հայ-ադրբեջանական հարաբերությունների կարգավորման գործընթացը. Եվդոկիմով

Մոսկվան պատրաստ է Ադրբեջանին և Հայաստանին խորհրդատվական օգնություն տրամադրել սահմանի սահմանազատման և սահմանագծման հարցում։ Այս մասին հայտարարել է Բաքվում Ռուսաստանի դեսպան Միխայիլ Եվդոկիմովը։ 

«Աջակցում ենք Բաքվի և Երևանի միջև սկսված պետական ​​սահմանի սահմանազատման և սահմանագծման գործընթացին»,-ասել է նա։

Դիվանագետը պարզաբանել է, որ Մոսկվայում կարծում են, որ այն պետք է լինի կայուն և փոխընդունելի։

Դեսպանը նաև ընդգծել  է, որ Ռուսաստանը ողջունում է հայ-ադրբեջանական հարաբերությունների կարգավորման գործընթացը, այդ թվում՝ մայիսին Ալմաթիում երկու երկրների արտգործնախարարների հանդիպումը։ Նա հավելել է, որ սա եւս մեկ քայլ է դեպի խաղաղություն Կովկասում։