Պուտինը ահասարսուռ նախազգուշացում Է արել․ New York Post
Ռուսաստանի նախագահ Վլադիմիր Պուտինը Արևմուտքին նախազգուշացրել է Ուկրաինային հեռահար զենքի մատակարարման հետևանքների մասին։ Այս մասին գրում է ամերիկյան New York Post թերթը, փոխանցում է ՌԻԱ Նովոստին:
«Նրա ահասարսուռ նախազգուշացումն արվել է այն պահին, երբ և ՛ ԱՄՆ - ը, և՛ Գերմանիան Ուկրաինային կանաչ լույս են տվել իրենց մատակարարած զենքի օգտագործման համար՝ Ռուսաստանի տարածքում թիրախներին հարվածելու նպատակով», - ընդգծել են պարբերականում:
Նշվում է, որ Վլադիմիր Պուտինը չի բացառում ռուսական զենքի մատակարարումն այն շրջաններ, որտեղ հարվածներ կարող են հասցվել Կիևին հրթիռներ տրամադրող պետությունների զգայուն օբյեկտներին: Բացի այդ, հոդվածի հեղինակը հավելել է՝ Ռուսաստանի առաջնորդն ակնարկել է, որ Մոսկվան կարող է միջուկային զենք օգտագործել, եթե ինչ-որ բան սպառնա երկրի ինքնիշխանությանը:
