Գործողությունները մեծացնում են միջուկային պատերազմի վտանգը․ Թրամփ
ԱՄՆ նախագահ Ջո Բայդենի գործողությունները մեծացնում են միջուկային պատերազմի վտանգը, որից Միացյալ Նահանգները կարող է երբեք դուրս չգալ։ Այս մասին Fox News-ի եթերում ասել է նախկին առաջնորդ Դոնալդ Թրամփը, ով կրկին հավակնում է ԱՄՆ բարձրագույն կառավարական պաշտոնին։
«Սա մեր երկրի պատմության մեջ ամենավտանգավոր պահն է զենքի, հատկապես միջուկային զենքի հզորության պատճառով»,- իր կարծիքն է հայտնել հանրապետականը։
«Շանս կա, որ մենք երրորդ համաշխարհային պատերազմ կունենանք մեր առաջնորդի պատճառով։ Ես չեմ ուզում, որ մեր երկիրը միջուկային պատերազմի մեջ մտնի»,- ասել է նախկին նախագահը և նշել է, որ համաձայն չէ Բայդենի այն տեսակետի հետ, թե Միացյալ Նահանգների համար ամենամեծ սպառնալիքը կլիմայի փոփոխությունն է:
