Չինաստանը պատրաստ է համագործակցել Ուկրաինայի հետ․ հայտարարություն
ՉԺՀ-ն պատրաստ է զարգացնել Ուկրաինայի հետ համագործակցությունը բոլոր ոլորտներում։ Այդ մասին հայտարարել է Չինաստանի փոխարտգործնախարար Սուն Վեյդոնգը՝ Պեկինում Ուկրաինայի արտաքին գործերի առաջին փոխնախարար Անդրեյ Սիբիգայի հետ բանակցություններից հետո, փոխանցում է «ՌԻԱ Նովոստի»-ն։
«Չինաստանը պատրաստ է աշխատել Ուկրաինայի հետ՝ իրականացնելու երկու երկրների ղեկավարների ձեռք բերած կարևոր կոնսենսուսը, շարունակելու փոխադարձ հարգանքի և միմյանց հանդեպ անկեղծ վերաբերմունքի բարի ավանդույթը` միշտ կենտրոնանալով ժողովրդի հիմնարար և երկարաժամկետ շահերի վրա։
Երկու երկրները, խթանում են փոխանակումները և համագործակցությունը բոլոր ոլորտներում, ինչպես նաև աջակցում և զարգացնում են չին-ուկրաինական հարաբերությունները»,- ասել է դիվանագետը։
