Սանոսյանի մոր առանձնատուն կառուցելու փաստով Հակակոռուպցիոն կոմիտեն ստուգումներ է սկսել
Հակակոռուպցիոն կոմիտեում ստուգումներ են իրականացվում ՀՀ տարածքային կառուցվածքների և ենթակառուցվածքների նախարար Գնել Սանոսյանի ծնողների համար առանձնատուն կառուցելու փաստով: Այս մասին Sputnik Արմենիային հայտնել են Հակակոռուպցիոն կոմիտեի մամուլի ծառայությունից։
Ավելի վաղ «Հետքը» գրել էր, որ Սանոսյանի թոշակառու մայրը մոտ 230 հազար ԱՄՆ դոլար արժողությամբ առանձնատուն է կառուցում։
Սանոսյանի խոսնակ Սոնա Հարությունյանն արձագանքել էր այդ հրապարակմանը` նշելով, որ առանձնատունը կառուցում են Սանոսյանի եղբայրները։
Նա ընդգծել էր, որ առանձնատունը նախարարին վերագրելը և այնտեղ կոռուպցիա փնտրելը զուր ջանքեր են։
