ԱՄՆ-ը մտադիր է անհապաղ վիզային պատժամիջոցներ սահմանել Վրաստանի դեմ. հայտնի է պատճառը
ԱՄՆ-ը մտադիր է անհապաղ վիզային պատժամիջոցներ սահմանել Վրաստանի դեմ՝ երկրի խորհրդարանի կողմից օտարերկրյա գործակալների մասին օրենքի ընդունման պատճառով։ Այս մասին հայտարարել է ԱՄՆ Պետդեպարտամենտի խոսնակ Մեթյու Միլլերը։ Այնուամենայնիվ, նա նշել է, որ Վաշինգտոնը դեռ պաշտոնապես չի հայտարարել ապագա սահմանափակումների մասին։
«Մենք հասկացրել ենք, որ առանց վարանելու ենք դրանք ներկայացնել», - ասել Է Միլլերը։
Նա նշել է, որ ԱՄՆ-ն անհանգստացած է օտարերկրյա գործակալների մասին օրենքի ընդունմամբ, քանի որ, ըստ ամերիկյան կողմի, դա կհանգեցնի Վրաստանի շեղմանը ժողովրդավարական ուղուց։ Նա նաև հավելել է, որ ԱՄՆ-ն այժմ վերլուծում է իր հարաբերությունները Վրաստանի հետ և քննարկում է գործողությունների տարբերակներ՝ ի պատասխան այս օրենքի ընդունմանը։
Հիշեցնենք՝ Վրաստանի խորհրդարանը մայիսի 14-ին վերջնական ընթերցմամբ հավանություն է տվել «Արտաքին ազդեցության թափանցիկության մասին» օրինագծին։ Հունիսի 3-ից օրենքն ուժի մեջ է մտել։
