ՏԵՍԱՆՅՈՒԹ․ ԱԳՆ-ի դիմացից բերման ենթարկված ցուցարարներն ազատ արձակվեցին
ԱԳՆ-ի շենքի դիմացից մայիսի 31-ին բերման ենթարկված 27 քաղաքացիներն ազատ են արձակվել: Այս մասին հայտնում է «Ազգային ճակատ» տելեգրամյան ալիքը:
Տելեգրամյան ալիքը տեսագրություն է հրապարակել, թե ինչպես են քաղաքացիները և ԱԺ ընդդիմադիր պատգամավորները Ձերբակալվածների պահման վայրի մոտ դիմավորում ազատ արձակված ցուցարարներին:
Ավելի վաղ հայտնել էինք, որ «Հինգ իրավապաշտպանների նախաձեռնությունը» հայտարարություն էր տարածել այն մասին, որ մայիսի 31-ին ԱԳՆ վարչական շենքի դիմաց տեղի ունեցած միջադեպի փաստով ձերբակալված 27 քաղաքացիներից ոչ մեկին օրենքով սահմանված ժամկետում մեղադրանք չի ներկայացվել։
