Քաղաքականություն

Սասուն Խաչատրյանը՝ Սերժ Սարգսյանի գործի մասին

Սասուն Խաչատրյանը՝ Սերժ Սարգսյանի գործի մասին
Մենք ունեցել ենք այն համոզմունքը, որ տեղի է ունեցել հանցանք։ «Ազատության» հարցին, թե համաձա՞յն է երրորդ նախագահ Սերժ Սարգսյանի արդարացման որոշման հետ, ասել է Հակակոռուպցիոն կոմիտեի նախագահ…

Մենք ունեցել ենք այն համոզմունքը, որ տեղի է ունեցել հանցանք։ «Ազատության» հարցին, թե համաձա՞յն է երրորդ նախագահ Սերժ Սարգսյանի արդարացման որոշման հետ, ասել է Հակակոռուպցիոն կոմիտեի նախագահ Սասուն Խաչատրյանը։ Վերջինս ավելի վաղ ղեկավարում էր Հատուկ քննչական ծառայությունը։


«Ես ղեկավարել եմ այն կառույցը, որն այդ քրեական գործն ուղարկել է դատարան, հետևաբար մենք ունեցել ենք այն համոզմունքը, որ տեղի է ունեցել հանցանք, և տվյալ անձն այդ հանցանքը գործել է», - նշել է նա։


Ավելի քան չորս տարվա դատավարությունից հետո դատարանն արդարացրել է Հայաստանի երրորդ նախագահին՝ հերքելով Դատախազության մեղադրանքը, թե նախագահության տարիներին Սերժ Սարգսյանը կազմակերպել է պետբյուջեից մոտ կես միլիարդ դրամի հափշտակությունը։


«Եթե չեմ սխալվում, Դատախազությունն արդեն հայտարարել է, որ բողոք է բերելու, երբ որ կլինի դատավճիռն օրինական ուժի մեջ մտած, այդ ժամանակ կխոսենք», - հավելել է Սասուն Խաչատրյանը։


Դատախազությունը պնդում էր՝ 2013 թվականին գյուղացիներին մատչելի դիզվառելիքով ապահովելու ծրագրի մրցույթում շահել էր նախկին նախագահ Սերժ Սարգսյանի մտերիմ գործարար Բարսեղ Բեգլարյանի «Ֆլեշ»-ը, որը, ի տարբերություն հայտ ներկայացրած մյուս երկու ընկերությունների, ամենաբարձր գինն էր առաջարկել։


Դատարանը, սակայն, որոշել է, որ տարիներ առաջ կատարված գործարքը եղել է օրինական։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7379) Միջազգային (3220) ԱՄՆ (2278) Ռուսաստան (2089) Իրան (1732) Ընտրություններ (1272) Ուկրաինա (819) Երևան (795) Իսրայել (758) Ադրբեջան (617) Փաշինյան (558) Եվրոպա (510) Ընդդիմություն (436) Թրամփ (427) Ազգային ժողով (407)

Radio Aurora

Լսել Radio Aurora

Գովազդային տարածք

300x250