Ֆրանսիան ինքնակամ ստորագրում է մահվան դատավճիռը․ Պետդումայի պատգամավոր
Պետդումայի պատգամավոր Եկատերինա Խարչենկոն կարծում է, որ Ֆրանսիայի իշխանությունները, թույլ տալով Ուկրաինային թևավոր հրթիռներով հարվածել Ռուսաստանի Բելգորոդի և Կուրսկի շրջաններին, ինքնակամ ստորագրում են մահվան դատավճիռը: Այս մասին հայտնում է ՌԻԱ Նովոստիին։
«Դե, դա ախտորոշում է։ Նորմալ մարդիկ երբեք, նույնիսկ չեն ենթադրի հեռահար հրթիռները խաղաղ բնակչության դեմ օգտագործելու հնարավորությունը։ Այս չմտածված արտահայտություններով նրանք ինքնակամ ստորագրում են մահվան դատավճիռը։ Միթե նրանք չեն հասկանում, որ հեռահար հրթիռները երկու ուղղությամբ են թռչում»,- լրատվամիջոցին ասել է Խարչենկոն։
Պատգամավորն ընդգծել է․ «Փոխանակ ուղեղները միացնեն և իրենց խամաճիկ Զելենսկուն մարտական գործողությունները դադարեցնելու հրաման տան, նրանք նայում են երրորդ համաշխարհային պատերազմի սանձազերծման ուղղությամբ։ Կարծում եմ, որ մեր բանակը համալրված է հակաօդային պաշտպանության մասշտաբային միջոցներով, ռադիոէլեկտրոնային պայքարի միջոցներով։ Մենք անպայման հաղթելու ենք»։
