Եգիպտոսի կառավարությունը հրաժարական է տվել

Եգիպտոսի կառավարությունը հրաժարական է տվել։ Հայտնել են տեղի լրատվամիջոցները՝ հղում անելով երկրի նախագահի գրասենյակին։

Նախագահ Աբդել Ֆաթթահ աս Սիսին վարչապետ Մուստաֆա Մադբուլիին հանձնարարել է ձևավորել նախարարների նոր կաբինետ:

Հունիսի 3-ին նախագահ աս Սիսին ընդունել է Մադբուլիին, որը նախագահին է փոխանցել կառավարության հրաժարականի դիմումը։

Աս Սիսին հանձնարարել է նոր կառավարություն ձևավորել բարձր որակավորում ունեցող, իրազեկ և փորձառու անձանց ներգրավմամբ։

Նախագահը հանձնարարել է գործող կառավարությանը շարունակել որպես ժամանակավոր կառավարություն և կատարել իր պարտականություններն ու խնդիրները մինչև նոր կառավարության ձևավորումը։