Բագրատ Սրբազանն արձագանքել է իր՝ գործակալ լինելու մասին ԱԱԾ հերքմանը

Բագրատ Սրբազանը լրագրողների հետ զրույցում անդրադարձել է իր՝ գործակալ լինելու մասին ԱԱԾ հերքմանը։ 

«Եթե իմ գործակալ լինելու մասին զրպարտանքներն ԱԱԾ-ն հերքել է, ուրեմն թող այդ բոլոր զրպարտողներին պատասխանատվության ենթարկեն»,-  ասել է Սրբազանը։

Նա նշել է, թե յուրաքանչյուրն, ով ասել է, որ ինքը կամ շարժման անդամները գործակալ են, պետք է պատասխանատվություն կրեն։

«Շնորհակալություն ԱԱԾ-ին, որ անդրադարձել են, մեր գնահատանքը՝ պարոն Աբազյանին ու աշխատակազմին, կարող էին չպատասխանել, նորմալ չի՞ դա»,- ասել է Սրբազանը։

Ավելի վաղ հայտնել էինք, որ ԱԱԾ-ն պաշտոնապես հերքել է Բագրատ Սրբազանի գործակալ լինելու մասին իշխանական շրջանակների կողմից շրջանառության մեջ դրված տեղեկատվությունը։