ԼՈՒՍԱՆԿԱՐՆԵՐ․ Ողբերգական վթար՝ Երևան-Գյումրի ճանապարհին․ դին դուրս բերելու համար օգտագործվել է վերամբարձ կռունկ
Այսօր՝ հունիսի 1-ին, ողբերգական ավտովթար է տեղի ունեցել Արագածոտնի մարզում։ Այս մասին հայտնում է shamshyan.com-ը։
Ժամը 06։30-ի սահմաններում Արագածոտնի մարզի բնակիչ 43-ամյա Դավիթ Տերտերյանը իր վարած «Volvo» մակնիշի բեռնատարով Երևան-Գյումրի ավտոճանապարհի 49 կմ հատվածում, ժողովրդի կողմից «մահաբեր» ճանապարհահատվածում դուրս է եկել երթևեկելի գոտուց, բախվել մի քանի բետոնե արգելապատնեշներին, շպրտել դրանք և կողաշրջվել»:
Ինչպես դեպքի վայրից հայտնում է ֆոտոլրագրողը, վթարի հետևանքով վարորդը տեղում մահացել է։
Վթարի փաստով Արագածոտնի մարզային քննչական վարչութույունում նախաձեռնվել է քրեական վարույթ։
Կայքը հայտնում է, որ ավտոմեքենան բարձված է եղել տուֆ քարով, որը ամբողջությամբ թափվել է, իսկ մարմինը դուրս բերելու համար դեպքի վայր պետք է բերվի հատուկ վերամբարձ կռունկ։ Նված հատվածում հաճախակի են տեղի ունեցել Ճանապարհատրանսպորտային պատահարներ, այդ թվում մարդատար գազելների մասնակցությամբ, այդ թվում ողբերգական, սակայն մի քանի տարի է նոր Հյուսիս-Հարավ կառուցվող ճանապարհի այս հատվածի շահագործման վերջը չի երևում։
