Սյունիքի Հարթաշենի գյուղապետարանում և մանկապարտեզում խոշոր հրդեհ է բռնկվել

Այսօր՝ հունիսի 1-ին, խոշոր հրդեհ է տեղի ունեցել Սյունիքի մարզում: Ժամը 07:00-ի սահմաններում ՀՀ ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Հարթաշեն գյուղի գյուղապետարանում և մանկապարտեզում:

Այրվել է գյուղապետարանի և մանկապարտեզի գույքը:

 Հրդեհի պատճառն առայժմ անհայտ է:

Shamshyan-ի հաղորդմամբ՝ ըստ նախնական տեղեկությունների՝ բարեբախտաբար տուժածներ չկան: