Եթե չփակենք Ուկրաինայի թեման, Հայաստանի հետ խնդիրներ կառաջանան․ ՌԴ Պետդումայի փոխխոսնակ
Խնդիրները շատ են, բոլորը սպասում են՝ ինչով կավարտվի Ուկրաինայի հարցը, հետևում են։ Իսկ եթե չփակենք Ուկրաինայի թեման, ուրեմն խնդիրներ կունենանք և՛ Ղազախստանի, և՛ Հայաստանի, և՛ մեզ շրջապատող այլ երկրների հետ։ «Комсомольская правда» ռադիոկայանի եթերում այս մասին հայտարարել է ՌԴ Պետդումայի փոխխոսնակ Պյոտր Տոլստոյը։
ՌԴ Պետդումայի փոխխոսնակը հավելել է․ «Տեսեք՝ ինչ է կատարվում այսօր Ղազախստանում ղազախական որոշակի պետության վերականգնման առումով, ինչպիսի ազգային դիցաբանություն է ծաղկում այնտեղ անկախության, լատինական այբուբենի անցման վերաբերյալ, այնտեղ շատ հետաքրքիր բաներ են կատարվում»։
