Բլինքենը հաստատեց․ Բայդենը Ուկրաինային թույլատրել է ամերիկյան զենքով հարվածել ՌԴ-ի տարածքի թիրախներին
ԱՄՆ-ի պետքարտուղար Էնթոնի Բլինքենն այսօր հաստատեց, որ ԱՄՆ նախագահ Ջո Բայդենը Ուկրաինային թույլատրել է ամերիկյան զենքով հարվածել Ռուսաստանի տարածքի թիրախներին։ Բլինքենն այս մասին լրագրողներին հայտնեց Պրահայում, ՆԱՏՕ-ի անդամ երկրների արտգործնախարարների ոչ պաշտոնական հանդիպումից հետո։
Ամերիկյան զենքն օգտագործելու խնդրանքով Կիևը դիմել էր ռուսների կողմից Խարկովի ուժգին հրթիռակոծությունների պատճառով, որ իրականացվում են Ռուսաստանի տարածքից։
Բլինքենը նաև ասել է, որ ՆԱՏՕ-ի առաջիկա գագաթնաժողովում հստակ քայլեր կկատարվեն Ուկրաինային ՆԱՏՕ-ին մոտեցնելու ուղղությամբ։
