![ԱԹՍ-ների գրոհի հետևանքով Կուբանի նավթաբազայում երեք ցիստեռն է բռնկվել. տուժածներ կան](https://auroranews.am/storage/img/base_image/2024-05-31/66598f6be0a22.webp)
ԱԹՍ-ների գրոհի հետևանքով Կուբանի նավթաբազայում երեք ցիստեռն է բռնկվել. տուժածներ կան
![ԱԹՍ-ների գրոհի հետևանքով Կուբանի նավթաբազայում երեք ցիստեռն է բռնկվել. տուժածներ կան](https://auroranews.am/storage/img/base_image/2024-05-31/66598f6be0a22.webp)
Կրասնոդարի երկրամասի նահանգապետ Վենիամին Կոնդրատևը հայտնել է, որ լույս մայիսի 31-ի գիշերը տարածաշրջանի վրա անօդաչու թռչող սարքերի զանգվածային գրոհի հետևանքով նավթամթերքով լի երեք ցիստեռն է բռնկվել Տեմրյուկի շրջանի նավթաբազայում. կան տուժածներ։ «Արմենպրես»-ի փոխանցմամբ՝ այս մասին նա գրել է իր Telegram ալիքում։
«Օդային հարվածից տուժել է նավթաբազայի ենթակառուցվածքը: Վնասվել և այրվում է նավթամթերքով լի երեք ցիստեռն: Ներկայում ընթանում են հրդեհի մարման աշխատանքներ…. Հրդեհը բարձր աստիճանի բարդության է։ Ցավոք, կան տուժածներ», - գրել է նա։
Նահանգապետի հաղորդմամբ՝ տուժածները նավթաբազայի աշխատակիցներ են, նրանց բուժօգնություն է ցուցաբերվում։ Մնացած աշխատողները տարհանվել են։ Ըստ նախնական տեղեկությունների՝ ավերածություններ չկան։
Տարածաշրջանի ղեկավարն ընդգծել է՝ բոլոր անօդաչու թռչող սարքերին հակազդել է հակաօդային պաշտպանության համակարգը։