Իրանական կարմիր մահիկը պատրաստ է օգնել Հայաստանին
Իրանի Կարմիր մահիկ կազմակերպությունը պատրաստ է օգնություն ցուցաբերել Հայաստանում ջրհեղեղից տուժածներին։ Այս մասին հայտնում է «Իրանն այսօր» տելեգրամյան ալիքը:
«Իրանի Կարմիր մահիկի կազմակերպությունը պատրաստակամություն է հայտնել փրկարարական խմբեր և մարդասիրական օգնություն ուղարկել ջրհեղեղից տուժած հայերին աջակցելու համար», — ասվում է հաղորդագրության մեջ:
Մայիսի 26-ին հորդառատ անձրևների պատճառով Դեբեդ (Ալավերդու, Ախթալայի շրջաններում և Վրաստանի հետ սահմանին) և Աղստև (Իջևանի շրջանում) գետերը դուրս են եկել ափերից: Ջրհեղեղի հետևանքով զոհվել է չորս մարդ, մի քանի հարյուր մարդ տարհանվել է, տեղի են ունեցել ճանապարհների և ենթակառուցվածքների զգալի ավերածություններ:
