Աբովյանում տղամարդը նռնակներով զինված մտել է «Արդշինբանկ» ու սպառնում է այն պայթեցնել

Այսօր՝ մայիսի 24-ին, արտակարգ իրավիճակ է Կոտայքի մարզում: Այս մասին հայտնում է  shamshyan.com-ը:

Նռնակով կամ նռնակներով զինված տղամարդը Աբովյան քաղաքում մտել է Օգոստոսի 23 փողոցի 1/ 2 հասցեում գործող «Արդշինբանկ» և սպառնում է բանկը պայթեցնել:

Այս պահին դեպքի վայր են ժամանել ՀՀ ներքին գործերի նախարարության ոստիկանության քրեական ոստիկանության գլխավոր վարչության ծառայողները: Պարեկների ժամանման պատճառը նրանում է, քանի որ տղամարդը զինված է նռնակով կամ նռնակներով, ամբողջ տարածըքը սահմանազատել են և անցել են ուժեղացված ծառայության: Բանկի ներսում տղամարդու հետ ոստիկանները բանակցություններ են վարել, որպեսզի նա հետ կանգնի իր մտադրությունից: Լրատվականի հետ զրույցում մի քանի քաղաքացիներ, ովքեր հրաժարվեցին տեսախցիկի առաջ խոսել, ասում էին, որ տղամարդու համբերության բաժակը բանկը լցրել է, նրան ունեզրկել է, տունը ձեռքից առել է, ինչն էլ պատճառ է դարձել,որ տղամարդը ճարահատյալ դիմել է նման միջոցի:Ոստիկանությունը պարզում է նռնակով զինված տղամարդու ինքնությունը:

 Auroranews-ին ոստիկանությունից հայտնեցին, որ տղամարդը տեղափոխվել է ոստիկանական բաժանմունք, առաջիկայում կլինի պաշտոնական հայտարարություն: